Kthehesh nga puna dhe duke qenë i uritur dhe i lodhur, vendos të hash tepricat e një dite më parë. Por përpara se ta bëni këtë, sigurohuni që të mos rrezikoni shëndetin tuaj.
Ekspertët paralajmërojnë se kur ringrohni ushqimin e djeshëm duhet të keni shumë kujdes, pasi mund të bëhet i rrezikshëm.
Sipas ekspertit të sigurisë ushqimore të Universitetit të Karolinës së Veriut, Benjamin Chapman, mundësia që mikrobet të shumohen në oriz rritet kur ai mbahet në temperaturën e dhomës.
Ajo që mund të bëni për të qenë të sigurt është ta vendosni orizin në frigorifer brenda dy orëve nga gatimi.
Gjithashtu duhet ta lani me ujë të bollshëm dhe ta ftohni pasi ta keni zier. Një tjetër mundësi është ta mbani atë në një temperaturë të ngrohtë.
Megjithatë, praktika e shumë restoranteve është sigurisht e gabuar, të cilët e ziejnë orizin në mëngjes dhe e mbajnë gjatë gjithë ditës për ta shërbyer sa herë që nevojitet. Përkundrazi, orizi në sushi nuk ka asnjë problem, sepse përmban uthull që zvogëlon mundësinë e rritjes së mikrobeve.